Koordinazio-sistema: Nerbio-sistema eta Sistema endokrinoa
Enviado por Chuletator online y clasificado en Biología
Escrito el en 
vasco con un tamaño de 3,09 KB
KOORDINAZIO-SISTEMA
- Nerbio-sistemak informazioa hartzen eta transmititzen du, azkar eta denbora gutxitan, bulkada elektrikoen bidez. Nerbioek transmititzen dituzte bulkadak, eta nerbio-zentroek prozesatzen dituzte.
- Sistema endokrinoa guruinek osatzen dute. Hormona izeneko substantzia kimikoak jariatzen dituzte guruinek, eta odolak ehun edo organoetako zeluletaraino garraiatzen ditu hormonak. Erantzun hau nerbio-sistemarena baino motelagoa da.
ZENTZUMEN-ERREZEPTOREAK
Zentzumen-errezeptore motak
Barne errezeptoreak organismoaren barruan daude. Organismoaren egoera orokorrari buruzko informazioa ematen digute, eta haien bidez hautematen ditugu egarria, pixagura eta beste sentsazio batzuk.
Kanpo-errezeptoreak gorputzaren kanpoko aldean daude, eta kanpoko estimuluak hartzen dituzte. Errezeptore horiei esker hartzen ditugu estimulu jakin batzuk: ukipena, soinua, argia, tenperatura, usainak, …
Bestalde, segun zer estimulu mota hartzen dugun, honela sailkatzen ditugu:
Kimiorrezeptoreak. Substantzia kimikoak hautematen dituzte, normalean, sudurrean eta mihian daude.
Mekanorrezeptoreak. Estimulu fisikoak hautematen dituzte. Adibidez, presioa, soinu-uhinak, eta grabitatea. Larruazalean eta belarrietan daude.
Fotorrezeptoreak. Argia hautematen dute, eta haiei esker, koloreak bereiz ditzakegu. Begietako erretinan daude.
Termorrezeptoreak. Tenperatura-aldaketak hautematen dituzte. Larruazal osoan daude.
Nozizeptoreak. Presio altuak eta kalte egin diezaguketen beste estimulu batzuk hautematen dituzte. Haien bidez hartzen dugu mina, eta gorputz osoan daude.