Fisiopatologia: Infekzioa, Hantura, Inmunitatea eta Tumoreak

Infekzioa eta Hantura

Hantura kanpo eraso baten aurka abiarazten den defentsa mekanismo bat da. Leukozitoak eta plasma molekulak odoletik erasoaren tokira mugitzen dira, gorputza erasotzailetik askatzeko eta eragindako kaltea konpontzeko. Hanturaren agerpenak hauek dira: beroa, gorritasuna eta mina.

Infekzioa germen patogenoek gorputzean eragindako inbasioa da, non germenak gorputzaren barruan ugaldu, hedatu eta alterazioak edo gaixotasunak eragiten dituzten. Giza gorputzak germenen aurkako defentsa mekanismoak ditu; horiek huts egiterakoan, gaixotasuna agertzen da.

Immunitate Asaldurak

Immunitate sistemaren funtzioa organismoa arrotzen inbasioaren aurka babestea da, "berea" eta "atzerrikoa" bereiziz. Sistema honek huts egiten duenean, gaixotasunak agertzen dira. Sistema immunologikoa babes-ekintza gauzatzeko gai da hainbat mekanismo ezberdinekin: inmunitate naturala edo berezkoa, eta inmunitate espezifikoa edo eskuratua. Elementu nagusiak linfozitoak eta antigorputzak dira.

Tumorearen Garapena

Minbizia zelulen hazkuntza anormal, desordenatu eta kontrolatu gabea da, zelula-masak sortzen dituena. Hazkundeak ondoko egiturak kaltetu ditzake, eta metastasia gertatzen denean, urruneko lekuetara migratu dezake. Zelula-masa hauek alterazio morfologiko eta funtzionalak eragiten dituzte. Immunitate-sistemako zelulak tumore-zelulak ezabatzeko gai dira. Batzuek, ordea, kontrol-mekanismoak saihesten dituzte eta neoplasia garatzen dute.

Giza zeluletan mutazioak kontrolatzeko mekanismoak daude. Tumore-zeluletan, geneen mutazioak gertatzen dira, barne-konponketa-mekanismoek huts egiten dutelako.

Hanahan eta Weinbergen Tumore-Zelulen Ezaugarriak

Hanahan eta Weinbergek tumore-zelulen 6 ezaugarri deskribatu zituzten:

• Hazkunde-seinaleen independentzia
• Hazkundea galarazten duten estimuluekiko sentikortasun eza
• Inbasibitatea eta metastasia
• Apoptosiak ez funtzionatzea
• Erreplikazio-potentzial mugagabea
• Angiogenesi iraunkorra

Asaldura Hemodinamikoak

Edema

Espazio interstizialean likido metaketa patologikoa da. Orokortzen denean, anasarka esaten zaio.

Hiperemia eta Kongestioa

Organo edo ehun batean odol bolumena handitzea da. Hiperemia prozesu aktiboa da, arteriaren dilatazioak odol-fluxua areagotzen duelako. Kongestioa, berriz, prozesu pasiboa da, organo edo ehunetik odol edo likido irteera gutxitzearen ondorioz gertatzen dena. Hiperemian, organoa edo ehuna gorri agertzen da, odol-hodietan oxigenatutako odola pilatzearen ondorioz. Kongestioan, organoa edo ehuna urdina agertzen da, odol-hodietan oxigeno gutxiko odola pilatzearen ondorioz.

Hemorragia

Zirkulazio-korrontetik kanpoko espaziora odolaren irteera da. Kanpoko hemorragia gertatzen da odola kanpora ateratzen denean. Barneko hemorragia, berriz, odola gorputzeko barrunbe edo parenkiman metatzen denean gertatzen da.

Hemostasia eta Tronbosia

Prozesu hemorragikoak gelditzeko mekanismo egokien multzoa da; hau da, organismoak duen gaitasuna egoera likidoko odola odol-hodietan mantentzeko. Faseak hauek dira:

• Primarioa: Basokonstrikzioa eta plaketen agregazioa.
• Bigarren mailakoa: Hemostasia edo odolaren koagulazioa. Proteina plasmatiko anitzen aktibazioak fibrinaren eraketa sortzen du, eta honek plaketa-agregatuarekin bat egiten du, odol-irteera eragozten duen koagulua eratuz.

Mekanismo prokoagulatzaile eta antikoagulatzaile arteko desorekak odol-hodi osoetan koaguluak sortzea eta odol-hodiaren itxiera partziala eragin dezake. Tronbosia hemostasia patologikoa da, masa baten sorrera dakarren prozesu patologikoa, odol hodien buxadura sortuz.